அன்பிற்கும் உண்டோ அடைக்கும் தாழ்

வாசகர் கடிதம்

அன்பு கார்த்தி ,
தமிழ்க் கவிதையின் வளம் அளப்பரியது . அனால் சமகாலக் கவிதைகளில் சில தேக்கம் இருக்கிறது .
இருப்பினும் தங்கள் கவிதைகள் அவற்றில் இருந்து மாறுபட்டது . எனவே தான் தங்களைத் தொடர்ந்து எழுதச் சொல்கிறேன் . ஒரு நல்ல கவிதை ஆளுமையை தமிழ்ச் சமூகம் இழக்கக் கூடாது என விரும்புகிறேன் . நல்ல கவிஞனை எப்போதும் தமிழ்ச் சமுகத்தில் பாராட்டமாட்டார்கள். பாரதிக்கும் அதுதான் நேர்ந்தது. அனால் அவன் தளரவில்லை. நீங்களும் அப்படி எழுத பணிவுடன் வேண்டுகிறேன் . ஏனெனில் உங்கள் கவிதை வளத்தைப் பெரிதும் நேசிக்கிறேன் . ஆதலால் சொல்கிறேன்.

...மரணதினும் கொடிது
மரண வாழ்க்கை .
பறவையின் கோதலில்
கழன்று அந்தரத்தில் தவழும்
ஒரு இறகைப் போல
காலத்தில் கரைய எத்துனை நாள்
மலர்ந்துகொண்டிருப்பது .
கனிகளின் காலம் எப்போதும் அந்திதான்.
பித்தம் பூக்கும்
உதய நாழிகை
உப்புக்கடல்தான்

அன்புடன்
சவகர்

சில எண்ணங்கள் :

- இந்த பதிவில் எழுத்துப் பிழை இருந்தால் அதைப் பற்றி என்னிடம் தெரிவிக்க வேண்டாம்.

- அன்பரின் இந்த கடிதத்தை படித்தவுடன் எப்படியாவது தினமும் நிறையா எழுதவேண்டும் என முடிவெடுத்துவிட்டேன். இந்த கடிதம் வந்து ஆறு மாதம் ஆகிறது, ஒன்றும் எழுதவில்லை, அதனால் என்ன.. முடிவை மெதுவாய் செயல்படுத்தலாம்.. அனால் முடிவெடுத்தது எடுத்ததுதான்.

- கடிதம் எழுதிய ஜவகர் அண்ணனுக்கு போன் செய்து ‘ஏன்ணா?’ என கேட்டதற்கு அட்டகாசமாய் சிரித்தார்.

- வரும் சட்டமன்ற தேர்தலில் திமுக தலைமையிலான கூட்டணிக்கு வாக்களிக்கவும்.

- ’சில எண்ணங்கள்’ என்பது கவிதையின் தலைப்போ, அதற்கு கீழ் இருக்கும் இவை கவிதையோ கிடையாது.